Extramural Lecture for Academic Enrichment @MSCBU

ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେବ ବିଶ୍ୱବିଦ୍ୟାଳୟରେ ବିଶ୍ୱବିଦ୍ୟାଳୟର ଆନ୍ତରିକ ଗୁଣବତ୍ତା ସେଲ୍‌ ଦ୍ୱାରା ଏକ ଶିକ୍ଷାମୂଳକ ବକ୍ତବ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଶ୍ୱବିଦ୍ୟାଳୟ କୁଳପତି ପ୍ରଫେସର ମହେନ୍ଦ୍ର କୁମାର ମହାନ୍ତିଙ୍କ ମାର୍ଗଦର୍ଶନରେ ଆୟୋଜିତ ଏହି କାର୍ଯ୍ୟକ୍ରମରେ ଆମେରିକାର ୟୁନିଭର୍ସିଟି ଅଫ୍ ନର୍ଥ ଜର୍ଜିଆର ଇନଷ୍ଟିଚ୍ୟୁଟ୍ ଫର୍ ଏନ୍‌ଭାଇରନମେଣ୍ଟାଲ୍ ସ୍ପେସିଆଲ୍ ଏନାଲିସିସ୍‌ର ପ୍ରଫେସର ଡଃ ସୁଧାଂଶୁ ପଣ୍ଡା  “ଜିଓଏଆଇ ଏଣ୍ଡ ଜିଓସ୍ପେସିଆଲ୍ ମଡେଲିଙ୍ଗ୍ ଟେକ୍ନୋଲୋଜି ଅଟୋମେସନ୍ ଆପ୍ରୋଚ୍ ଫର୍ ଏଫିସିଏଣ୍ଟ୍ ପ୍ରୋଆକ୍ଟିଭ୍ ଏନ୍‌ଭାଇରନମେଣ୍ଟାଲ୍ ମ୍ୟାନେଜମେଣ୍ଟ୍ ଡିସିଜନ୍ ସପୋର୍ଟ୍ ସିଷ୍ଟମ୍ ଡେଭଲପମେଣ୍ଟ” ଶୀର୍ଷକ ବିଷୟରେ ଏକ ଶିକ୍ଷାମୂଳକ ବକ୍ତବ୍ୟ ପ୍ରଦାନ କରିଥିଲେ। ପ୍ରଫେସର୍ ପଣ୍ଡା ନିଜ ବକ୍ତବ୍ୟରେ କହିଥିଲେ ଯେ, ଜିଓଏଆଇ ଏବଂ ଜିଓସ୍ପେସିଆଲ୍ ମଡେଲିଙ୍ଗ୍ ପ୍ରଯୁକ୍ତି ପରିବେଶ ପରିଚାଳନାରେ ଏକ ବିପ୍ଳବ ଆଣିଛି ଏବଂ ଏହା ସ୍ୱୟଂଚାଳିତ ଏବଂ ପ୍ରତିରକ୍ଷାମୂଳକ ନିଷ୍ପତ୍ତି ସହାୟକ ବ୍ୟବସ୍ଥା ବିକଶିତ କରି ପରିବେଶଗତ ସଙ୍କଟକୁ ପୂର୍ବାନୁମାନ କରିବା ଏବଂ ତାହାର ପରିଚାଳନାରେ ଅଧିକ ଦକ୍ଷତା ଆଣିପାରିବ । ଏହି ପ୍ରଯୁକ୍ତି ଭାରତୀୟ ବିଶ୍ୱବିଦ୍ୟାଳୟଗୁଡ଼ିକର ଗବେଷଣା ଏବଂ ପରିବେଶ ସଂରକ୍ଷଣ କ୍ଷେତ୍ରରେ ନୂଆ ଦିଗ ଖୋଲିପାରିବ । ଆନ୍ତରିକ ଗୁଣବତ୍ତା ସେଲ୍‌ ତରଫରୁ ଡ. ଜନ୍ମେଞ୍ଜୟ ନାୟକ  ଅତିଥି ପରିଚୟ ଓ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେରେ ବିଶ୍ୱବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ଗବେଷକ ଏବଂ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।

One day Seminar on " Harnessing nature power for sustainable Development tomorrow" @MSCBU

 

Vice-Chancellor Prof. Mahendra Kumar Mohanty speaking in the One day Seminar on " Harnessing nature power for sustainable Development tomorrow

The seminar showcased real-world applications, including rooftop solar installations, solar-powered parking structures integrated with EV charging facilities, and various energy-saving measures. Leading specialists Mr. Krishna Nayak and Mr. Parameswar Panigrahy offered deep expertise on renewable energy initiatives, regulatory frameworks, and cutting-edge agrivoltaic systems that simultaneously boost crop yields and renewable power generation.

Brain Storming Workshop on Industry Academia Collaboration @MSCBU

  

Mr. Sambit Satapathy, Managing Director, Akshay Seeds Pvt. Ltd, Aurangabad is the speaker in Brain Storming Workshop on Industry Academia Collaboration 

International Day of Yoga 2026 Celebration by NSS PG Unit and CDOE of MSCBU

 

ସ୍ଥାନୀୟ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟରେ ଜାତୀୟ ସେବା ଯୋଜନା ଏବଂ ଏହାର ପିଜି ୟୁନିଟ ଦ୍ୱାରା ଆନ୍ତର୍ଜାତୀୟ ଯୋଗ ଦିବସ ୨୦୨୬ ପାଳିତ ହୋଇଯାଇଛି । ଏହି ବର୍ଷର ଆନ୍ତର୍ଜାତିକ ଯୋଗ ଦିବସର ଥିମ୍ “ୟୋଗା ଫର୍ ହେଲ୍ଥି ଏଜିଙ୍ଗ୍”କୁ ଆଧାର କରି ଆୟୋଜିତ ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର କୁଳପତି ପ୍ରଫେସର ମହେନ୍ଦ୍ର କୁମାର ମହାନ୍ତି ସମ୍ବୋଧନ କରି କହିଥିଲେ ଯେ, “ୟୋଗକୁ ନିଜ ଦୈନନ୍ଦିନ ଜୀବନଚର୍ଯ୍ୟାର ଏକ ଅଂଶ ଭାବେ ପାଳନ କରିବାକୁ ଆହ୍ୱାନ କରିଥିଲେ । ଯୋଗ ଦ୍ୱାରା ନକାରାତ୍ମକ ଚିନ୍ତା ତଥା ବ୍ୟର୍ଥଚିନ୍ତନରୁ ମନକୁ ମୁକ୍ତି, ସକାରାତ୍ମକ ଏବଂ ଶକ୍ତିଶାଳୀ ଚିନ୍ତନରେ ମନକୁ ନିୟୋଜନ, ମାନସିକ ଶାନ୍ତି, ଏକାଗ୍ରତା ବୃଦ୍ଧି, ବ୍ୟକ୍ତିତ୍ୱର ବିକାଶ ଓ ସମ୍ବନ୍ଧ ସମ୍ପର୍କରେ ମଧୁରତାର ଉତ୍ତରଣ ହୋଇପାରିବ ବୋଲି ସେ କହିଥିଲେ । ଏହି କାର୍ଯ୍ୟକ୍ରମରେ ଯୋଗ ଓ ନ୍ୟାଚୁରୋପାଥି ବିଭାଗର ସହକାରୀ ପ୍ରଫେସର ଡ. ସୁଜାତା ପଣ୍ଡା ପ୍ରଟୋକଲ ଅନୁସାରେ ସମସ୍ତଙ୍କୁ ଯୋଗାଭ୍ୟାସ ଓ ଶପଥପାଠ କରାଇଥିଲେ । ଏହି କାର୍ଯ୍ୟକ୍ରମକୁ ଜାତୀୟ ସେବା ଯୋଜନାର ସଂଯୋଜକ ଡ. ପ୍ରିୟ ରଞ୍ଜନ ଦେବତା, ପ୍ରୋଗ୍ରାମ ଅଧିକାରୀ ଡ. ଯତୀନ୍ଦ୍ର ନାଥ ବେଶ୍ରା, ଡ. ପ୍ରିୟଙ୍କା ଦାସ, କର୍ମଚାରୀ ଶ୍ରୀ ଅଜୟ କୁମାର ବଳ, ଶ୍ରୀମତି ସୁସ୍ମିତା ପାତ୍ର, ସୁନେଲିକା ପ୍ରହରାଜ ପ୍ରମୁଖ ପରିଚାଳନାରେ ସହଯୋଗ କରିଥିଲେ । ଏହି କାର୍ଯକ୍ରମରେ ବିଶ୍ୱବିଦ୍ୟାଳୟର ଅଧ୍ୟାପକ, ଅଧ୍ୟାପିକା, ଅଣଶିକ୍ଷକ କର୍ମଚାରୀ ଓ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । 

ସେହିଭଳି ବିଶ୍ୱବିଦ୍ୟାଳୟର ଦୂର ଓ ଅନଲାଇନ ଶିକ୍ଷା କେନ୍ଦ୍ର (ସିଡିଓଇ) ଦ୍ୱାରା ଏକ କମ୍ୟୁନିଟି ଆଉଟ୍‌ରିଚ୍‌ କାର୍ଯ୍ୟକ୍ରମରେ ଶଙ୍ଖାଭଙ୍ଗା ଗ୍ରାମରେ ଆନ୍ତର୍ଜାତୀୟ ଯୋଗ ଦିବସ ୨୦୨୬ ପାଳନ କରାଯାଇଥିଲା । ସିଡିଓଇ ନିର୍ଦ୍ଦେଶକ ପ୍ରଫେସର ସୁକାନ୍ତ କୁମାର ନାୟକଙ୍କ ନେତୃତ୍ୱରେ ସିଡିଓଇର ଅଧ୍ୟାପକ ଅଧ୍ୟାପିକା ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ଗ୍ରାମର ବୟସ୍କ ନାଗରିକ, ପିଲାମାନେ, ଯୂବଗୋଷ୍ଠୀ ଏବଂ ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ଏଭଳି ପ୍ରାୟ ୮୦ ଜଣ ଯୋଗଦାନ କରିଥିଲେ । ସମସ୍ତ ଅଂଶଗ୍ରହଣକାରୀଙ୍କୁ ସ୍ମାରକ ଟି-ସାର୍ଟ୍‌ ପ୍ରଦାନ କରାଯାଇଥିଲା । ସ୍ଥାନୀୟ ପ୍ରଶାସନିକ ଅଧିକାରୀଙ୍କ ମଧ୍ୟରେ ସରପଞ୍ଚ ପ୍ରତିନିଧି ଶ୍ରୀ ବଳଭଦ୍ର ହେମ୍ବ୍ରମ୍, ୱାର୍ଡ ମେମ୍ବର ପୁଣ୍ଟା ସୋରେନ୍, ପଞ୍ଚାୟତ କାର୍ଯ୍ୟନିର୍ବାହୀ ସଂଯୋଜକ ଶ୍ରୀ ଅନନ୍ତ କିଶୋର, ଏଡିଇଓ ମହେଶ କୁମାର ମିଶ୍ର ପ୍ରମୁଖ ଉପସ୍ଥିତ ଥିଲେ ।

'Ek Ped Maa ke Naam' programme @MSCBU

 

ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ଜାତୀୟ ସେବା ଯୋଜନା ପକ୍ଷରୁ ୧୧ ଜୁନ ୨୦୨୬ ତାରିଖରେ “ମା’ଙ୍କ ନାମରେ ଗୋଟିଏ ଗଛ (ଏକ୍ ପେଡ୍ ମା କେ ନାମ୍)” ଶୀର୍ଷକ ଏକ ବୃକ୍ଷରୋପଣ କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଥିଲା। ପରିବେଶ ସୁରକ୍ଷା, ସବୁଜ ପୃଥିବୀ ଗଠନ ଏବଂ ମାତୃତ୍ୱ ପ୍ରତି ସମ୍ମାନ ପ୍ରଦର୍ଶନ ଉଦ୍ଦେଶ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର କୁଳପତି ପ୍ରଫେସର ମହେନ୍ଦ୍ର କୁମାର ମହାନ୍ତି, ସ୍ନାତ୍ତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର କମଳ ଲୋଚନ ବାରିକ, ବିଶ୍ଵବିଦ୍ୟାଳୟର ଅଧ୍ୟାପକ-ଅଧ୍ୟାପିକା, କର୍ମଚାରୀ, ଏନ୍‌ଏସ୍‌ଏସ୍‌ ସ୍ୱେଚ୍ଛାସେବୀ ଏବଂ ଛାତ୍ରଛାତ୍ରୀ ଉତ୍ସାହର ସହ ଅଂଶଗ୍ରହଣ କରିଥିଲେ। ବିଶ୍ୱବିଦ୍ୟାଳୟ ପରିସର ଓ ଏହାର ଆଖପାଖ ଅଞ୍ଚଳରେ ବିଭିନ୍ନ ପ୍ରଜାତିର ଚାରାରୋପଣ କରାଯାଇଥିଲା ଏବଂ ପ୍ରତ୍ୟେକ ଅଂଶଗ୍ରହଣକାରୀ ନିଜ ମା’ଙ୍କ ନାମରେ ଏକ ଗଛ ଲଗାଇ ତାହାର ଯତ୍ନ ନେବାକୁ ସଂକଳ୍ପ ଗ୍ରହଣ କରିଥିଲେ। ବକ୍ତାମାନେ ତାଙ୍କ ଉଦ୍ବୋଧନରେ ବୃକ୍ଷରୋପଣର ଆବଶ୍ୟକତା, ଜଳବାୟୁ ପରିବର୍ତ୍ତନ ମୁକାବିଲାରେ ଗଛର ଭୂମିକା ଏବଂ ପରିବେଶ ସନ୍ତୁଳନ ରକ୍ଷାରେ ଯୁବପିଢ଼ିର ଦାୟିତ୍ୱ ସମ୍ପର୍କରେ ଆଲୋକପାତ କରିଥିଲେ। “ଆଜି ଗଛ ଲଗାନ୍ତୁ, ଆସନ୍ତାକାଲିକୁ ସୁନ୍ଦର କରନ୍ତୁ” ଏବଂ “ପ୍ରକୃତିକୁ ବଞ୍ଚାନ୍ତୁ, ଭବିଷ୍ୟତକୁ ସୁରକ୍ଷିତ କରନ୍ତୁ” ଭଳି ସନ୍ଦେଶ ମାଧ୍ୟମରେ ସମସ୍ତଙ୍କ ମଧ୍ୟରେ ପରିବେଶ ସଚେତନତା ସୃଷ୍ଟି କରାଯାଇଥିଲା। କାର୍ଯ୍ୟକ୍ରମର ଶେଷରେ ସମସ୍ତ ଅଂଶଗ୍ରହଣକାରୀ ଲଗାଯାଇଥିବା ଚାରାଗୁଡ଼ିକର ସୁରକ୍ଷା ଓ ପରିଚର୍ଯ୍ୟା କରିବା ସହ ଅଧିକରୁ ଅଧିକ ବୃକ୍ଷରୋପଣ କରି ପରିବେଶ ସଂରକ୍ଷଣରେ ସକ୍ରିୟ ଭୂମିକା ନିଭାଇବାକୁ ଶପଥ ନେଇଥିଲେ। ଏହି କାର୍ଯ୍ୟକ୍ରମକୁ  ଜାତୀୟ ସେବା ଯୋଜନାର ସଂଯୋଜକ ଡ. ପ୍ରିୟ ରଞ୍ଜନ ଦେବତା, ଜିଲ୍ଲା ନୋଡାଲ ଅଧିକାରୀ ଡ. ଅନାମ ଚରଣ ରାଉଳ, ପ୍ରୋଗ୍ରାମ ଅଧିକାରୀ ଡ. ଯତୀନ୍ଦ୍ର ନାଥ ବେଶ୍ରା, ଅଜୟ କୁମାର ବଳ, ସୁସ୍ମିତା ପାତ୍ର, ସୁନେଲିକା ପ୍ରହରାଜ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।

Seminar on “Role of Educational Institutions in the Process of Human Development and Nation Building” @MSCBU

 ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ଏବଂ ବିବେକାନନ୍ଦ କେନ୍ଦ୍ର କନ୍ୟାକୁମାରୀ, ବାରିପଦା ଶାଖାର ମିଳିତ ସହଯୋଗରେ “ମଣିଷ ତିଆରି ଓ ଦେଶ ନିର୍ମାଣ ପ୍ରକ୍ରିୟାରେ ଶିକ୍ଷା ପ୍ରତିଷ୍ଠାନଗୁଡ଼ିକର ଭୂମିକା” ଶୀର୍ଷକ ଏକ ଆଲୋଚନାଚକ୍ର ବିଶ୍ୱବିଦ୍ୟାଳୟରେ ଅନୁଷ୍ଠିତ ହୋଇଯାଇଛି । ଏଥିରେ ବିଶ୍ୱବିଦ୍ୟାଳୟ କୁଳପତି ପ୍ରଫେସର ମହେନ୍ଦ୍ର କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ନିଜ ବକ୍ତବ୍ୟରେ ଶିକ୍ଷା ପ୍ରତିଷ୍ଠାନଗୁଡ଼ିକ ଛାତ୍ରଛାତ୍ରୀଙ୍କୁ କେବଳ ବୃତ୍ତିମୂଳକ ଜ୍ଞାନ ନୁହେଁ, ବରଂ ନୈତିକ ମୂଲ୍ୟବୋଧ, ଦେଶପ୍ରେମ ଏବଂ ସମାଜ ସେବାର ଭାବନା ସହିତ ଗଢ଼ି ତୋଳିବା ଦ୍ୱାରା ଜାତି ଗଠନରେ ସହାୟକ ହେବା ପାଇଁ ଉଦ୍ଦିଷ୍ଟ ଓ ବିଶ୍ୱବିଦ୍ୟାଳୟ ଏହି ଦିଗରେ ସର୍ବଦା ପ୍ରତିବଦ୍ଧ ରହିବ ବୋଲି କହିଥିଲେ । ବିବେକାନନ୍ଦ କେନ୍ଦ୍ର କନ୍ୟାକୁମାରୀ ସର୍ବଭାରତୀୟ ସାଧାରଣ ସମ୍ପାଦକ ଶ୍ରୀ୍ ଭାନୁଦାସ ଧାକ୍ରାସ୍ ମୁଖ୍ୟ ବକ୍ତା ଭାବେ ଯୋଗ ଦେଇ ନିଜ ବକ୍ତବ୍ୟରେ ସ୍ୱାମୀ ବିବେକାନନ୍ଦଙ୍କ ଆଦର୍ଶ ଅନୁସାରେ ମନୁଷ୍ୟ ଗଠନ ହିଁ ପ୍ରକୃତ ଶିକ୍ଷା ବୋଲି କହିବା ସହ ଶିକ୍ଷା ପ୍ରତିଷ୍ଠାନଗୁଡ଼ିକ କେବଳ ଜ୍ଞାନ ଦାନ ନୁହେଁ, ବରଂ ଛାତ୍ରଛାତ୍ରୀଙ୍କ ଚରିତ୍ର ଗଠନ ଏବଂ ଜାତୀୟ ଚେତନା ଜାଗ୍ରତ କରି ଦେଶ ଗଠନରେ ମୂଳ ଭୂମିକା ଗ୍ରହଣ କରିବା ଉଚିତ୍ ବୋଲି ମତପୋଷଣ କରିଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ବିବେକାନନ୍ଦ କେନ୍ଦ୍ର କନ୍ୟାକୁମାରୀ, ବାରିପଦା ଶାଖାର ନଗର ପ୍ରମୁଖ ଶ୍ରୀ ଶିବ ଶଙ୍କର ଗିରି  ଓଁକାର ଏବଂ ଶାନ୍ତି ମନ୍ତ୍ର ଆବୃତ୍ତି କରିଥିଲେ ଓ ନଗର ସଞ୍ଚାଳକ ଶ୍ରୀ ସନ୍ଦୀପ କୁମାର ଚାନ୍ଦ ଅତିଥିମାନଙ୍କୁ ମଞ୍ଚକୁ ଆମନ୍ତ୍ରଣ କରି ଅତିଥି ପରିଚୟ ପ୍ରଦାନ କରିଥିଲେ । ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର କମଳ ଲୋଚନ ବାରିକ କାର୍ଯ୍ୟକ୍ରମରେ ଅଧ୍ୟକ୍ଷତା କରି ନିଜ ବକ୍ତବ୍ୟରେ ଶିକ୍ଷକମାନେ ଛାତ୍ରଛାତ୍ରୀଙ୍କ ଜୀବନରେ ଆଦର୍ଶ ହୋଇ ଜାତିର ଭବିଷ୍ୟତ ଗଢ଼ିବାରେ ମୂଖ୍ୟ ଭୂମିକା ଗ୍ରହଣ କରନ୍ତୁ ବୋଲି ଆହ୍ୱାନ କରିଥିଲେ । ବିଶ୍ୱବିଦ୍ୟାଳୟର ସାମାଜିକ କାର୍ଯ୍ୟ ବିଭାଗର ସହକାରୀ ପ୍ରପେସର ଡ. ଶୁଭେନ୍ଦୁ କୁମାର ଶତପଥି ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ଅଧ୍ୟାପକ ଅଧ୍ୟାପିକା, ଅଣଶିକ୍ଷକ କର୍ମଚାରୀ ଓ ଛାତ୍ରଛାତ୍ରୀ ଯୋଗଦାନ କରିଥିଲେ ।

Sensitization/Awareness programme (Brain Storming Session on Suatainable Startups) and joint lunch of 'Climate Didi' and 'Climate Startup'

 

ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ବିଶ୍ୱ ପରିବେଶ ଦିବସ ଅବସରରେ “ଧାରଣକ୍ଷମ ଷ୍ଟାର୍ଟଅପ୍ ଉପରେ ମାନସମନ୍ଥନ” ଏବଂ ‘କ୍ଲାଇମେଟ୍ ଦିଦି’ ଓ ‘କ୍ଲାଇମେଟ୍ ଷ୍ଟାର୍ଟଅପ୍’ର ଯୁଗ୍ମ ଲୋକାର୍ପଣ ଅନୁଷ୍ଠିତ ହୋଇଯାଇଛି ।  ପ୍ରଧାନମନ୍ତ୍ରୀ ଉଚ୍ଚତର ଶିକ୍ଷା ଅଭିଯାନ (ପିଏମ୍-ଉଷା) ପ୍ରଯୋଜିତ ଏହି କାର୍ଯ୍ୟକ୍ରମକୁ କୁଳପତି ପ୍ରଫେସର ମହେନ୍ଦ୍ର କୁମାର ମହାନ୍ତି ମୁଖ୍ୟ ପୃଷ୍ଠପୋଷକ ଭାବେ ଯୋଗ ଦେଇ ଉଦ୍‌ଘାଟନ କରିଥିଲେ । ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର କମଳ ଲୋଚନ ବାରିକ ଅଧ୍ୟକ୍ଷତା କରିଥିଲେ । କୁଳପତି ପ୍ରଫେସର ମହାନ୍ତି ନିଜ ବକ୍ତବ୍ୟରେ କହିଥିଲେ ଯେ ପରିବେଶ ସଂରକ୍ଷଣ ଏବଂ ଅର୍ଥନୈତିକ ବିକାଶର ସମନ୍ୱୟ ହିଁ ଆଧୁନିକ ସମୟର ମୂଳ ମନ୍ତ୍ର; ଯୁବକମାନେ ଧାରଣକ୍ଷମ ଷ୍ଟାର୍ଟଅପ୍ ଆରମ୍ଭ କରି କେବଳ ନିଜର ରୋଜଗାର ସୃଷ୍ଟି ନୁହେଁ, ସମାଜରେ ପରିବର୍ତ୍ତନ ଆଣିବା ସହ ଜଳବାୟୁ ପରିବର୍ତ୍ତନ ମୁକାବିଲା ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବେ । ବିଶ୍ୱବିଦ୍ୟାଳୟ ଏହିପରି ଉଦ୍ୟୋଗକୁ ସର୍ବଦା ପ୍ରୋତ୍ସାହିତ କରିବ ବୋଲି ସେ ପ୍ରତିଶ୍ରୁତି ଦେଇଥିଲେ । ଅର୍ଗାନିକ୍ ସ୍ପେକ୍ ପ୍ରାଇଭେଟ୍ ଲିମିଟେଡ୍ ଏବଂ ବାୟୋଆର୍‌ଟିଏମ୍ ଇଣ୍ଡଷ୍ଟ୍ରି, କାନାଡାର କଣ୍ଟ୍ରି ମ୍ୟାନେଜର ଡଃ ସୁଶାନ୍ତ କୁମାର ଦାସ ମୁଖ୍ୟ ଅତିଥି ଭାବେ ଯୋଗଦେଇ ନିଜ ବକ୍ତବ୍ୟରେ ଧାରଣକ୍ଷମ ଷ୍ଟାର୍ଟଅପ୍ ହେଉଛି ଭବିଷ୍ୟତର ଚାବି; ଜୈବିକ କୃଷି, ପରିବେଶ-ଅନୁକୂଳ ପ୍ରଯୁକ୍ତି ଏବଂ ପୁନଃବ୍ୟବହାରଯୋଗ୍ୟ ଉପାଦାନ ଉପରେ ଆଧାରିତ ଉଦ୍ୟୋଗ ମାଧ୍ୟମରେ ଆମେ କେବଳ ଆର୍ଥିକ ସ୍ୱାବଲମ୍ବୀ ହେବୁ ନାହିଁ, ବରଂ ଆଗାମୀ ପିଢ଼ି ପାଇଁ ଏକ ସୁସ୍ଥ ପରିବେଶ ଛାଡ଼ି ଯିବୁ । ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନେ ଏହି କ୍ଷେତ୍ରରେ ଉଦ୍ୟମୀ ହେବା ଉଚିତ୍ ବୋଲି ସେ ମତପୋଷଣ କରିଥିଲେ । ଏହି ଅବସରରେ ଅତିଥି ମାନଙ୍କ ଦ୍ୱାରା ଏକ ଯୁବ-କୈନ୍ଦ୍ରିକ ପଦକ୍ଷେପ ହିସାବରେ ‘କ୍ଲାଇମେଟ୍ ଦିଦି’ ଓ ‘କ୍ଲାଇମେଟ୍ ଷ୍ଟାର୍ଟଅପ୍’ର ଲୋକାର୍ପଣ କରାଯାଇଥିଲା ।  ବିଶ୍ୱବିଦ୍ୟାଳୟର ପିଏମ୍-ଉଷା ୟୁନିଭର୍ସିଟି ନୋଡାଲ୍ ଅଫିସର ପ୍ରଫେସର୍ ଇନ୍ଦ୍ରଜିତ୍ ନାଏକ ନିଜ ବକ୍ତବ୍ୟରେ ପିଏମ୍-ଉଷା ଯୋଜନା ଅଧୀନରେ ଏହିପରି ସମ୍ୱେଦୀକରଣ କାର୍ଯ୍ୟକ୍ରମ ବିଶ୍ୱବିଦ୍ୟାଳୟର ଗୁଣବତ୍ତା ବୃଦ୍ଧି କରିବ ଏବଂ ଆଗାମୀ ଦିନର ଜଳବାୟୁ ସଙ୍କଟର ଆହ୍ୱାନ ଗୁଡ଼ିକର ମୁକାବିଲାରେ ସହାୟକ ହେବ ବୋଲି କହିଥିଲେ । ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର କମଳ ଲୋଚନ ବାରିକ ନିଜ ବକ୍ତବ୍ୟରେ ଛାତ୍ରଛାତ୍ରୀଙ୍କୁ ଉଦ୍ୟମିତା ଦିଗରେ ଏଭଳି କାର୍ଯ୍ୟକ୍ରମ ପ୍ରୋତ୍ସାହିତ କରିବ ବୋଲି କହିଥିଲେ । ବିଶ୍ୱବିଦ୍ୟାଳୟର ସଚେତନତା ଓ ସମ୍ବେଦୀକରଣ ସଂଯୋଜକ ତଥା ଆବାହକ ପ୍ରଫେସର ରାଜେଶ କୁମାର ସିଂ ସ୍ୱାଗତ ଭାଷଣ ପ୍ରଦାନ କରିଥିଲେ । କାର୍ଯ୍ୟକାରୀ ସମ୍ପାଦିକା ଡ. ବିଷ୍ଣୁପ୍ରିୟା ହାଁସଦା ଅତିଥି ପରିଚୟ ପ୍ରଦାନ କରିଥିଲେ ଓ ଯୁଗ୍ମ ସମ୍ପାଦକ ଡ. ଶୁଭେନ୍ଦୁ କୁମାର ଶତପଥୀ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ଆମନ୍ତ୍ରିତ ବକ୍ତା ହିସାବରେ ପୂର୍ବୋଦୟ ଓଡ଼ିଶାର ଆବାହକ ଶ୍ରୀ ଓଁକାର ପରିଡ଼ା, ପୂର୍ବୋଦୟ ଓଡ଼ିଶା ଫାଉଣ୍ଡେସନର ଶ୍ରୀ ଚଣ୍ଡୀ ପ୍ରସାଦ ସୁଆର ପ୍ରମୁଖ ନିଜର ବକ୍ତବ୍ୟ ପ୍ରଦାନ କରିଥିଲେ । କାର୍ଯ୍ୟକ୍ରମ ପରିଚାଳନାରେ ରସାୟନ ବିଜ୍ଞାନ ବିଭାଗର ଡ. ଲିଙ୍ଗରାଜ ବେହେରା ଓ ଡ. ଆଶିଷ କୁମାର ଜେନା ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ବିଶ୍ୱବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, ଗବେଷକ ଓ ସ୍ନାତକୋତ୍ତର ଛାତ୍ରଛାତ୍ରୀ, ଅଣଶିକ୍ଷକ କର୍ମଚାରୀ ଏଭଳି ୨୦୦ରୁ ଉର୍ଦ୍ଧ୍ୱ ଅଂଶଗ୍ରହଣକାରୀ ଯୋଗଦାନ କରିଥିଲେ । ଏହି ଅବସରରେ ବିଶ୍ୱବିଦ୍ୟାଳୟ କ୍ୟାମ୍ପସରେ ବୃକ୍ଷରୋପଣ କରାଯାଇଥିଲା ।